37 நாள் கர்ப்பம் (37 Days Pregnancy in Tamil) அதாவது கர்ப்பத்தின் ஐந்தாவது வாரத்தில் பிளாஸ்டோசிஸ்ட் உற்பத்தி செய்யும் HCG ஹார்மோனின் அளவு வேகமாக உயர்கிறது. இது கருப்பைகள் முட்டைகளை வெளியிடுவதை நிறுத்துவதற்கும் மேலும் ஈஸ்ட்ரோஜன் மற்றும் புரோஜெஸ்ட்டிரோனை உற்பத்தி செய்வதற்கும் கட்டளை இடுகிறது.
இந்த ஹார்மோன்களின் உயர்ந்த அளவு மாதவிடாயை நிறுத்துகிறது. இது பெரும்பாலும் கர்ப்பத்தின் முதல் அறிகுறியாகும்.
37 நாள் கர்ப்பம் எத்தனை மாதம்? (37 Days Pregnancy in Tamil)
37 நாள் கர்ப்பம் என்பது இரண்டாவது மாதம், வாரக் கணக்கில் 5 வாரங்கள் ஆகும்.
37 நாள் கர்ப்பம் அறிகுறிகள் (37 Days Pregnancy in Tamil)
அடிக்கடி சிறுநீர் கழித்தல்
கர்ப்பகால ஹார்மோன்கள் மற்றும் உடலில் இரத்த அளவு அதிகரிப்பதால், தொடர்ந்து சிறுநீர் கழிக்க வேண்டியிருக்கும். நீங்கள் கர்ப்பமாக இருக்கும் போது நீங்கள் நினைப்பதை விட அடிக்கடி சிறுநீர் கழிக்க செல்வீர்கள் என்பது உண்மைதான்.
உடலில் தண்ணீர் சத்து குறையாமல் இருப்பது முக்கியம். இரவில் தண்ணீர் குடிப்பதை கட்டுப்படுத்துவது நல்லது. இதனால் இரவில் நீங்கள் அடிக்கடி சிறுநீர் கழிக்க எழுந்திருக்க வேண்டியதில்லை.
மார்பக மென்மை மற்றும் வீக்கம்
மார்பக மென்மை பெரும்பாலும் கர்ப்பத்தின் ஆரம்ப அறிகுறிகள் ஒன்றாகும். அதிகரித்த ஹார்மோன் அளவுகள் இரத்த ஓட்டத்தை அதிகரிக்கின்றன. இது உங்கள் மார்பகங்களை வீக்கமாகவும், வலியாகவும், கூச்சமாகவும் அல்லது தொடுவதற்கு வழக்கத்திற்கு மாறாக மென்மையாகவும் மாற்றும்.
சோர்வு
ஆரம்பகால கர்ப்பத்தில் சோர்வுக்கான சரியான காரணம் தெரியவில்லை. ஆனால் இது ஹார்மோன் மாற்றங்கள் காரணமாக இருக்கலாம். பெரும்பாலான பெண்கள் தங்கள் கர்ப்பத்தின் பிற்பகுதியில் தங்கள் ஆற்றலை மீட்டெடுக்கிறார்கள்.
அதுவரை, அதிக நேரம் ஓய்வெடுங்கள், குறைவாக வேலை செய்யுங்கள், அதிக கனமான பொருட்களை தூக்குவதற்கு மற்றவர்களிடம் உதவி கேளுங்கள், உங்களை கவனித்துக் கொள்ளுங்கள்.
இரத்தப் போக்கு
நான்கில் ஒரு பெண்களில் கர்ப்பத்தின் ஆரம்ப காலத்தில் துளியாகவோ அல்லது லேசான இரத்தப்போக்கு ஏற்படும். பெரும்பாலும் இதில் பயப்பட ஒன்றும் இல்லை. ஆனால் சில நேரங்களில் இது கருச்சிதைவு அல்லது எக்டோபிக் கர்ப்பத்தின் அறிகுறியாகவும் இருக்கலாம்.
ஒரு வேளை உங்களுக்கு அதிகமான இரத்தப்போக்கு அல்லது கடுமையான வலி இருந்தால் உங்கள் மருத்துவரிடம் பேசுங்கள்.
மார்னிங் சிக்னஸ்
குமட்டல் அல்லது காலை நோய் என்று கூறுவார்கள். இது வெவ்வேறு நேரங்களில் வெவ்வேறு தாய்மார்களை பாதிக்கிறது. இது பொதுவாக கர்ப்பத்தின் 5 வது வாரத்தில் தொடங்குகிறது. சில பெண்களுக்கு, இந்த காலை நோய் கர்ப்பத்தின் முதல் அறிகுறிகளில் ஒன்றாகும்.
உணவு, வாழ்க்கை முறை மாற்றங்கள், இயற்கை வைத்தியம் , மருந்துகள் உட்பட காலை சுகவீனத்திலிருந்து விடுபட பாதுகாப்பான வழிகளாக உள்ளன.
உணவு வெறுப்பு
உணவு வெறுப்பு பெரும்பாலும் இப்போது தொடங்குகிறது. மாற்றப்பட்ட ஹார்மோன்கள் மற்றும் அதிகரித்த வாசனை உணர்வு காரணமாக பெரும்பாலான கர்ப்பிணித் தாய்மார்கள் அவற்றை அனுபவிக்கிறார்கள். இறைச்சி, காபி, முட்டை, பால் பொருட்கள், காரமான மற்றும் கொழுப்பு நிறைந்த உணவுகள் பிடிக்காதவையாக இருக்கலாம்.
நீங்கள் சமைப்பதால் உங்களுக்கு உடல்நிலை சரியில்லாமல் போனால், உங்களுக்குப் பிடித்தமானவரிடம் சமைக்கச் சொல்லி பிடித்தமானதை சாப்பிடுங்கள்.
37 நாள்களில் கரு எப்படி இருக்கும்? (37 Days Pregnancy in Tamil)
37 நாள் கர்ப்பம் (37 Days Pregnancy in Tamil) உங்கள் குழந்தை ஒரு எள் விதை அளவு வளர்ந்திருக்கும்.
ஐந்தாவது வாரத்தில், குழந்தை கருப்பையின் சுவரைத் துளைத்திருக்கும். இப்போது இதனை கரு என்று அழைக்கப்படுகிறது. கருவின் அளவு சுமார் 2 மிமீ அளவைக் இருக்கும். குழந்தை அம்னோடிக் சாக்கு என்ற குழந்தையைப் பாதுகாக்கும் திரவப் பைக்குள் இருக்கும்.
குழந்தையின் செல்கள் பிரிக்கப்பட்டு இருக்கும். ஐந்தாவது வாரத்தில், மூளை மற்றும் முதுகெலும்பு ஏற்கனவே உருவாகின்றன. நரம்புக் குழாய் எனப்படும் முதுகுத் தண்டு உருவாகிறது. இந்த கட்டத்தில், மூளை மற்றும் முகம் மிக வேகமாக வளரும். குழந்தையின் தலை உடலின் மற்ற பகுதிகளை விட பெரியதாக இருக்கும்.
குழந்தையின் இதயம் இந்த வாரம் துடிக்க ஆரம்பிக்கும். இரத்த நாளங்கள் ஏற்கனவே உருவாகத் தொடங்கி குழந்தையின் உடல் முழுவதும் இரத்தம் பரவ ஆரம்பிக்கிறது. இரத்த நாளங்களின் தொடர் உங்கள் குழந்தையுடன் உங்களை இணைத்து இறுதியில் தொப்புள் கொடியாக மாறும்.
37 நாள் கர்ப்பிணியின் (37 Days Pregnancy in Tamil) வயிறு எப்படி இருக்கும்?
5 வார கர்ப்பத்தில், உங்கள் வயிறு சற்று வித்தியாசமாக இருக்கும். ஒரு பெரிய மதிய உணவு சாப்பிட்டது போல் இருக்கும். சில பெண்களுக்கு, ஹார்மோன் மாற்றங்களால் வயிறு வீக்கம் ஏற்படுவது கர்ப்பத்தின் ஆரம்ப அறிகுறியாகும். இதன் விளைவாக, கருப்பை மிகவும் சிறியதாக இருக்கும் ஆரம்ப நாட்களில் கூட உங்களின் ஆடை வழக்கத்தை விட இறுக்கமாக இருப்பதை போல உணரலாம்.
உங்கள் உடலில் ஏற்படும் மாற்றங்களை நீங்கள் கண்களால் பார்த்து அறிய முடியாமல் இருக்கலாம். கர்ப்பிணிப் பெண்கள் எப்போது, எப்படி அறிகுறிகளைக் காட்டுகிறார்கள் என்பதற்கான ஒரு சரியான கால அட்டவணை இல்லை.
கர்ப்பத்தின் ஆரம்ப காலத்தில், குமட்டல் மற்றும் வாந்தி, நீங்கள் நிறைய சாப்பிடுவதைத் தடுக்கலாம். அது பரவாயில்லை. உங்களால் முடிந்தவரை சாப்பிடுங்கள். உணவை பிரித்து 6 வேளையாக கூட சாப்பிடலாம். உங்கள் எதிர்கால குழந்தை இந்த கட்டத்தில் சிறியதாக இருப்பதால் நீங்கள் கூடுதல் கலோரிகளை சாப்பிட தேவையில்லை.
சில பெண்கள் கர்ப்ப காலத்தில் உடல் எடை குறைகிறார்கள். பெரும்பாலான சந்தர்ப்பங்களில், இந்த எடை இழப்பு ஆபத்தானது அல்ல. இருப்பினும், நீங்கள் அதிகமாக எடையை இழந்ததாக நினைத்தாலோ அல்லது கடுமையான காலை நோயால் அவதிப்பட்டாலோ உடனடியாக உங்கள் மருத்துவரிடம் பேசுங்கள்.
எவ்வாறு பிரசவ தேதியை கணக்கிடுவது?
பரிசோதனையின் மூலம் ஒரு பெண் கருவுற்று இருக்கிறார் என்று மருத்துவர் கூறியதும், பிரசவ நாளையும் கணக்கிட்டு கூறி விடுகிறார்கள். அல்ட்ரா சவுண்ட் ஸ்கேன் செய்வதன் மூலம், உங்கள் பிரசவ தேதியை மிகவும் துல்லியமான உங்களுக்கு வழங்கலாம்.
உங்கள் பிரசவ தேதியைக் கண்டறிய, உங்கள் கடைசி மாதவிடாயின் முதல் நாளின் தேதியை உள்ளிட்டு, உங்கள் பிரசவ தேதியை தேர்ந்தெடுக்கவும். கர்ப்பம் பொதுவாக உங்கள் கடைசி மாதவிடாயின் முதல் நாளிலிருந்து 37 வாரங்கள் முதல் 42 வாரங்கள் வரை நீடிக்கும்.
எப்போது மருத்துவரை சந்திக்க வேண்டும்?
- மருத்துவரை சந்திபதற்கு முன்பதிவு செய்து கொள்வது அவசியமாகிறது.
- கருவுற்ற பிறகு அதற்கு தேவையான வைட்டமின்களை மருந்துகளை மருத்துவர் பரிந்துரைப்பார்.
- கர்ப்ப பரிசோதனையில் பாசிடிவ் ஆக முடிவுகள் வந்தால் உடனே மருத்துவரை சந்தித்து ஆலோசனைகளை பெறுவது நல்லது.
- கர்ப்ப பரிசோதனை முடிவு நெகடிவ் ஆக வந்தவிட்டது ஆனால் மாதவிடாய் இன்னும் வர வில்லை என்றாலும் மருத்துவரிடம் பேசுவது அவசியம்.
- அதிக மன அழுத்தம் இருந்தாலும் மாதவிடாய் சுழற்சி சீரற்றதாய் இருக்கும்.
- தைராய்டு பிரச்சனை இருந்தாலும் மாதவிடாய் வராது. மேலும் இது நீங்கள் கர்ப்பமாவதை தடுக்கிறது.
மேற்கண்ட தொந்தரவுகள் இருந்தால் நீங்கள் உடனே மருத்துவரை அணுக வேண்டும்.
37 நாள் கர்ப்பத்தில் (37 Days Pregnancy in Tamil) கர்ப்பிணிகள் கவனிக்க வேண்டியது
நீங்கள் கர்ப்பமாக இருப்பதை உறுதி செய்த மருத்துவர் உங்களையும் உங்கள் குழந்தையையும் எப்படிக் கவனித்துக் கொள்வது என்று ஆலோசனை வழங்குவார்கள். அதனால் மருத்துவரை அணுகுவது அவசியம்.
ஆனால் சில பெண்களுக்கு, கர்ப்பம் திட்டமிடப்படாதாக கூட இருக்கலாம். உங்கள் குழந்தை திட்டமிடப்பட்டிருந்தாலும் இல்லாவிட்டாலும், மகிழ்ச்சியிலிருந்து ஆச்சரியம் அதிர்ச்சி வரை பலவிதமான உணர்ச்சிகளை நீங்கள் உணரலாம்.
கர்ப்ப காலத்தில் மது அருந்துவது, புகைபிடிப்பது அல்லது சட்டவிரோதமான மருந்துகளை உபயோகிக்காமல் இருப்பது முக்கியம். ஏனெனில் இவை அனைத்தும் உங்கள் குழந்தைக்கு மிகவும் தீங்கு விளைவிக்கும்.
Follow @ Google News : கூகுள் செய்திகள் பக்கத்தில் ஜம்மி ஸ்கேன்ஸ் வலைப்பதிவுகள்!
37 நாள் கர்ப்பம் (37 Days Pregnancy in Tamil) உங்கள் வாழ்கை முறையினை நல்லதாக மாற்றக்கூடிய ஒரு காலமாகும். உங்களுக்கும், உங்கள் குழந்தைகும் நல்ல ஓய்வு எடுக்க வேண்டிய நேரமாக இருக்கும். குறைவாக வேலை செய்யுங்கள், அதிக ஓய்வெடுங்கள், மிதமான உடற்பயிற்சி செய்யுங்கள். மனதை சந்தோசமாகவும், உடலை ஆரொக்கியமாகவும் வைத்துகொள்ளுங்கள்.
